VOV4.M’nông: Tổng thống Mỹ Joe Biden nar 09/07 hŏ geh rơh kuăl điện tâm nchră đah Tổng thống Nga Vladimir Putin. Wa Biden hŏ kuăl jă nuĭh ndrel gưl kan Nga dâk kan gay nking nchăng ăp rmôt nuĭh tih dôl gŭ krap ta Nga n'hanh mĭn lah mpôl dâk bah kơi ăp rơh rdôl lơh mạng ma mã độc tă tuai prăk ta Mỹ. Tĭng nău lư bah Văn phòng Chính phủ, Tổng thống Biden kuăl jă Tổng thống Putin dâk kan nkhêp dơi Mỹ mbơh gĭt nău lư mpeh ăp rơh rdôl lơh tâm ban kơt nê tât lơh bah dak Nga. Rơh kuăl điện tâm nchră dơi ƀư lôch rơh rdôl lơh mạng ma mã độc đă tuai prăk pơh bah năp nơh ntrŏng tâm công ty phần mềm Kaseya ƀư 1.500 công ty geh tât khuch, tâm nê lĕ ma âk doanh nghiệp jê̆ ta Mỹ. Ăp nuĭh rnâng kan rnă njrăng mạng mĭn lah rơh rdôl lơh tă bah mpôl tih djơh mạng REvil geh nhih pah kan ta Nga, yơn lah, Mỹ mô hŏ nchŭt dôih ngăn bah he./.

Nuĭh rblang: Điểu Thân