VOV4.M’nông: Tổng thống Mỹ Joe Biden hŏ tât Geneva, Thụy Sĩ nar 15/6 gay nchrăp an rơh mâp gưl têh đah Tổng thống Nga Vladimir Putin. Ndeh păr Không lực Một hŏ jŭr ta Geneva rnôk 10h20 tĭng mông ntŭk nê. Mpôl kruanh Mỹ an gĭt, Tổng thống Mỹ Joe Biden mâp Tổng thống Nga Vladimir Putin tâm rnôk 6h kêng măng (mông Hà Nội) ta du biệt thự meng n'glău Geneva. Lĕ bar kruanh rđău kan Nga n'hanh Mỹ dơi Tổng thống Thụy Sỹ wơt. Rơh mâp lor bôk năp lah 4 nuĭh: Tổng thống Biden, Tổng thống Putin, Ngoại trưởng Mỹ Antony Blinken n'hanh Ngoại trường Nga Sergey Lavrov. Rơh mâp lôch nê dơi pơk hvi đah mpôl đă hăn kan 5 nuĭh bah ăp ding, rlău ma Tổng thống Biden n'hanh Tổng thống Putin. Ăp nkô̆ nău dơi tâm nchră đah 2 kruanh rđău kan lah đăp mpăn hạt nhân, ăp nău tâm ton mât kân ndrak nsiu, ăp trong kan tâm boh săk geh, ăp rơh rdôl lơh mạng tâm ban kơt nkô̆ nău dơi kon nuĭh./.  

Nuĭh rblang: Điểu Thân