VOV4.M’nông: Nar 24/5, Tổng thống Mỹ Joe Biden n'hanh nuĭh ndrel gưl kan Ai Cập Abdel Fatah al-Sisi hôm geh tay 1 rơh kuăl điện tâm nchră tay đŏng mpeh nău rdâk tay nău ntrŭnh rlu pănh ta dải Gaza n'hanh ăp rnoh ndơ kơl jăch ndăn n'hanh rơh plơ̆ njêng tay an nkual dja. Tĭng ăp kruanh rđău kan Mỹ – Ai Cập, nău kơl nuĭh n'hanh plơ̆ njêng tay an dải Gaza ân đăp mpăn gay nsĭt tay nău geh an nuĭh ƀon lan ta aơ dơm, mô di an ma mpôl tahen, lĕ ma Hamas. Bar kruanh rđău kan tâm nchră mpeh nău rdâk tay ăp nău nsrôih dak bah dih an tât rơh tâm nchră bah tâm lơh tâm su an Israel n'hanh Palestine lôch tât nău tâm lơh mhe đah bar ding. Aơ lah rơh kuăl điện tâm nchră tâl 2 đah Tổng thống Mỹ n'hanh nuĭh ndrel gưl kan cấp Ai Cập tâm mô hŏ tŏng 1 pơh. Rlău ma nkô̆ nău dải Gaza, bar ding tâm nchră mpeh tâm boh bar ding đŏng, ndrel du đêt nkô̆ nău ma bar ding ndrel uănh khlay./.

Nuĭh rblang: Điểu Thân