VOV4.M’nông: Lơ 17/8, Tổng thống Mỹ Joe Biden hŏ kuăl điện tâm nchră đah Thủ tướng Anh Boris Johnson mpeh nau kan ta Ap-ga-ni-stan. Aơ kŏ lah nau tâm nchră bôk năp bah rđau kan Mỹ đah du đê̆ rđau kan dak ba dih kơp ntơm rnôk Taliban mât ƀư nau kan nkân uănh neh dak lơ 15/8. Tổng thống Joe Biden ndrel Thủ tướng Boris Johnson hŏ rnê ngăn nau janh dăng ndrel nau blau nau kan bah ăp nŭih tahen ndrel ƀon lan bah khân păng, ăp nŭih dôl ma ƀư nau kan gay ma ntrơn leo ăp nŭih ƀon lan ndrel nŭih kan nsum luh bah Ap-ga-ni-stan. Bar rđau kan tâm ban mpeh nau kan khlay gay ma tâm rgp ngăn đah ăp dak kan nsum tâm nau kơl an ndrel kơl ân dak Tây Nam Á aơ tâm năm ba kơi. Thủ tướng Anh Boris Johnson kŏ mbơh mra rgum du rơh rƀŭn trực tuyến ăp rđau kan G7 gay tâm nchră mpeh ăp nhoat ba kơi đah Afghanistan./.

Nŭih rblang: H’Thi