VOV4.M’nông: Tổng thống Mỹ Joe Biden lơ 24/8 ton mbơh lah Mỹ dôl tâm trong ƀư jêh nau kan ntrơn leo nŭih pah kan luh bah Afghanistan bah năp lơ 31/8, bol ma nau kan mra nsing ngăn tâm nau kan Taliban mra lŏ tâm boh ndrel ân nŭih ƀon lan mâp dŏng ngăn tâm ndeh mpăr đŏng lah mô. Tĭng Tổng thống Biden, Mỹ tât rnôk aơ hŏ ntrơn kơl an bơi tât 71 rbăn nŭih luh bah Afghanistan. Kŏ tâm lơ 24/8, Tổng thống Biden hŏ geh rơh tâm mâp đah rđau kan rmôt G7 ndrel tâm nchră rhuăt tahen Mỹ luh Afghanistan. Tổng thống Biden mbơh lah, nau kan ntoch jong nau tât kơl an bah Mỹ mra lơh jêng nau klach rvê ngăn ndrel n’hao lơn nau kan tahen Mỹ geh ăp phung rlăng lơh, ndri ma păng mra mô ntoch jong tay nar dŭt bah kơi lơ 31/8./.

Nŭih rblang: H’Thi