VOV4.M’nông: Tổng thống Mỹ Joe Biden mpơl roh nău mpŏng mpeh rnoh ngăch chuh vaccine njrăng n'gang COVID-19 ta dak dja dôl mbrơi tay. Tĭng păng, nău ntrôl ngăch chuh n'gang lah dŭt khlay gay nking nchăng nău ntoh luh nuh srê plơ̆ ntưp tay. Prao khay kơp ntơm bah rnôk dơn nău kan, mât kân bah nuh srê COVID-19 hôm lah nkô̆ nău dŭt jăch ndăn aƀaơ bah Tổng thống Joe Biden đŏng. Ăp nuĭh lăp nhih dak si n'hanh khĭt ta dak dja  geh tâm rnoh ăp nuĭh mô hŏ chuh n'gang da dê. Rnoh nuĭh ntưp Covid-19 dôl hao âk rlău 3 tơ̆ ta Mỹ tâm 2 pơh rlơ̆ aơ tâm rnôk ăp nău lư tih leh mpeh vaccine dôl hao mpet âk tât ăp nhih dak si. Tĭng Tổng thống Joe Biden, rơh duh jêr n'hâm suan nsum mpôl dôl jêng rơh duh jêr bah ăp nuĭh mô geh chuh vaccine yor nău ntưp rêng bah kaman njêng săk Delta hŏ jêng tât nău hao âk ăp nuĭh ji lam dak./.  

Nuĭh rblang: Điểu Thân