VOV4.M’nông – Ntŭk tổng thống mbơh, Tổng thống Mỹ Joe Biden tâm nar 9/9 mbơh trong kan geh 6 nău khlay gay dun n’gang tay nău ntưp rêng bah ntil kaman Delta n’hanh n’hao chuh vaccine Covid-19 ta Mỹ. Leo bôk lam ntŭr neh mpeh rnoh nuĭh ntưp n’hanh khĭt yor Covid-19, Mỹ dôl rdâng gay nking n’gang trong ntưp tă bah rgâl kaman Delta n’hanh ăp kruanh dak Mỹ nsrôih bônh đă ăp nuĭh hôm e mô janh hăn chuh. Rnoh nuĭh ntưp hao âk ƀư klach rvê tâm rnôk kon se plơ̆ tay ngih sam ƀŭt, nkre ƀư jêr ăp nuĭh ntuh kơl n’hanh ăp trong nchrăp nău kan bah công ty. Mỹ lĕ kơp dơn nklăp 650.000 nuĭh khĭt. Rlău 20.800 nuĭh ta Mỹ lĕ khĭt yor Covid-19 knŭng tâm 2 pơh bah năp, hao nklăp 67% nkôp đah 2 pơh bah năp./.

Nŭih rblang: Y Sưng Phê Ja