VOV4.Mnông- Nar 7/10, Tổng thống Nga Vladimia Putin mbơh, nău n’hao rnoh ndơ su kơt aƀaơ lah mô geh ueh an Nga n’hanh Nga mbra n’hao rnoh pă ndơ su ta ntŭk tăch rgâl an na nê̆. Tổng thống Putin ntoh ngơi kơt nĕ ta du rơh rƀŭn nchră mpeh hun hao ŭnh nar geh ƀư ta Matxcơva, lôch rnôk rnoh khlăy ndơ su ta châu Âu hao dŭt âk. groi Thủ tướng Nga Alexander Novak tâm ban ŭch đah nău mĭn bâh Tổng thống Nga an lah, rnoh ndơ su khlay mô geh kơl ueh an Nga n’hanh ntŭk tăch rgâl an geh mât đăp mpăn ngăch rnoh khlăy. groi Thủ tướng Nga Alexander Novak dăn đă 2 ntrong kan Nga mbra dơi kơl gay ma châu Âu rlet rlău nău uh ah jêr jŏt mpeh ŭnh nar. nĕ lah ntrong kan ngăch mbơh trong dĭng n’hoch pring let ba lơ 2 tâm rngop đah Nga đah Đức n’hanh pă rnoh ndơ su ntop gay ma mbơh nău tăch rgâl bâh ntŭk tăch rgâl chứng khoán Xanhpetecbua.

Nuĭh rblang: Thị Đoắt