VOV4.M’nông: Tĭng Điện Kremlin, lơ 25/10, Tổng thống Nga Vladimir Putin hŏ kuăl điện tâm nchră đah Thủ tướng Anh Boris Johson. Bar rđau kan hŏ nchră tât nau tâm boh kan nsum bar ding ndrel ân lah, ân geh ndâk nau tâm boh tâm du đê̆ nau kan. Ăp nau kan mpeh trôk nar hŏ geh Tổng thống Nga Vladimir Putin ndrel Thủ tướng Anh Boris Johnson tâm nchră ngăn tâm rnôk mpeh Anh nchrăp ân rơh rƀŭn gưl prêh dăch tât bah ăp rđau kan ta Glasgow ntơm 1-2 khay 11, pơk bôk rơh rƀŭn tal 26 bah rơh rƀŭn ăp ding râng nau kan nsum bah Liên hợp quốc mpeh nau rgâl mhe trôk nar. Mpeh Nga nkah nau kơt tĭng ăp nau kan bah lam ntur neh ndrel ŭch n’huch ndơ ƀư khih carbon bah jâng văng sa neh dak ân tâm ban./.

Nŭih rblang: H’Thi