VOV4.M'nông: Tĭng tơm nău lư báo chí điện Kremlin, nô nău ta Afghanistan lah nkô̆ tơm khlay tâm rơh kuăl điện tâm nchră mhe aơ đah Tổng thống Nga Vladimir Putin n'hanh Thủ tướng Pakistan Imran Khan. Bar ding tâm  ôp nău mĭn geh tât ăp nô nău dŭt mhe ta Afghanistan, mpơl nău ŭch tĭng nău khlay tât trong tâm boh kan nsum trong tât bah ăp dak yor ma nău đăp mpăn bah neh dak Tây Nam Á dja. Ta rơh kuăl điện tâm nchră, Thủ tướng Pakistan du tơ̆ tay đŏng lah rjăp nău ŭch geh khlay mpeh ndơ ntop kơl nuĭh an neh dak geh lơh hăch rlâm tă bah tâm lơh tâm su dja tâm ban kơt nău nking nchăng rơh duh jêr wăng sa. Tâm rơh kuăl điện tâm nchră đŏng, bar kruanh rđău kan Nga n'hanh Pakistan hôm tâm nchră mpeh nău mpŏng hao tâm boh bar ding kalơ âk trong kan êng êng đŏng./.

Nuĭh rblang: Điểu Thân