VOV4.M’nông: Lơ 15/11, Tổng thống Nga Vladimir Putin hŏ kuăl điện tâm nchră đah Tổng thống Emmanuel Macron mpeh nau kan dôl geh tât rnôk aơ. Tâm rơh kuăl điện thoại tâm nchră mpeh nau kan nkah nkoch tât nau kan tâm nkuăl n’har neh Belarus đah ăp dak EU. Ngăn lah, Tổng thống Nga V.Putin hŏ rgum nau uănh ngăn bah ăp nŭih lăp gŭ du der rklaih bah nau lơh khuch hô ngăn bah ăp phung tahen Biên phòng Ba Lan. Lĕ 2 ding kŏ ntoh nau mô geh tâm ban nuih n’hâm mpeh ăp nau rklaih nau rŭng răng bah nau tâm rkeh tâm Ucraina dôl geh nau ueh, lah rjăp lah, nau kan geh tât Donbass mô lah hôm geh jêng nau mô ueh lơn ma nê đŏng. Tổng thống Nga kŏ lah rjăp, Ucraina lŏ ƀư nau kan lơh khuch ngăn gay ma plơng ăp nau nchrăp tâm ton Minsk. Nau aơ geh mbơh mpơl ngăn bah ăp nau kan bah tahen Ucraina dŏng ăp ntil ndeh, ndrak nsiu lơh mô kâp nŭih ƀĭt tâm nkuăl tâm rkeh êp aơ./.

                        Nŭih rblang: H’Thi