VOV4. M’nông: Tổng thống Nga Vladimir Putin n'hanh Thủ tướng Đức Angela Merkel mhe ƀư rơh kuăl điện tâm nchră mpeh nô nău ta Donbass-Ukraina. Tâm rơh kuăl điện tâm nchră, Tổng thống Nga n'hanh Thủ tướng Đức mpơl nău klach rvê ta năp duh jêr hô ta mpeh bah dâng luh nar Ukraina. Kruanh rđău kan Nga hŏ njrăng uănh tât nău kan jreh nuih bah Ukraina, mhe aơ gay ƀư jêng duh jêr jru hô lơn. Bar kruanh rđău kan đảng lah rjăp, n'gâng kan Ukraine ân tĭng ƀư jăp ăp nău tâm ton hŏ dơi geh bah năp nê nơh, lơn lah njêng tâm boh na nê̆ đah 2 nkual ƀon têh Donetsk n'hanh Lugansk, tâm di ngăn nău way mha êng bah Donbass. Ăp kruanh rđău kan lah rjăp tay nău tâm ton tâm boh kan nsum lhăt lơn đŏng ăp nău nsrôih bah bar dak Nga-Đức ma ăp nuĭh tă ơm gĭt nsŏng kơl nău kan chính trị n'hanh ăp nhih pah kan tâm boh dak bah dih./.

Nuĭh rblang: Điểu Thân