VOV4.Mnông- Mpôl kan têh Nga an gĭt, Tổng thống Vladimir Putin mbra tât râng rơh rƀŭn nchră gâl têh rơh tâm mâp tâm kơl wăng sa châu Á-Thái Bình Dương (APEC) tĭng trong trực tuyến geh ƀư ta dŭt pơh aơ ta New Zealand. Tĭng nuĭh ntoh ngơi ta điện Kremlin Dmitry Peskov, nuĭh leo kan Nga mbra geh nău ntoh ngơi ta rơh rƀŭn nchră. Rơh rƀŭn nchră gâl têh APEC tal 28 yor dak tơm jay New Zealand leo kan lah nău kan dŭt khlăy tâm pơh rƀŭn nchră gâl têh APEC tal 28 geh ƀư bâh nar 8-12/11 tĭng trong trực tuyến. Tĭng mpôl kan têh New Zealand, ăp rơh rƀŭn nchră APEC tâm năm aơ mbra rgum ntrôl ndâk nsơm wăng sa ba kơi nuh srê, ntrôl dăng nău ndâk nsơm lĕ rngôch n’hanh nâp nâl, ntrôl nău mĭn kan n’hanh rnoh mbrô mhe.

Nuĭh rblang: Thị Đoắt