VOV4.M’nông – Nar 21/7, ta rơh rƀŭn đah ăp nuĭh Chính phủ, Tổng thống Nga V.Putin đă n’hao ngăch chuh vaccine njrăng Covid-19 ta dak aơ. Ntoh ngơi ta rơh rƀŭn, Tổng thống Nga Putin lah rjăp, yan mih aơ lĕ jêng du nău ntŭl rlong êng tâm rơh lơh rdâng tay nău ntưp bah Covid-19. Ăp ntil dŭt jêr jŏt, ăp nuĭh dŭt ŏk r’ah. Lĕ rngôch ăp nuĭh mô bah ŏk r’ah jêr jŏt aơ. Na nê̆ lah srê ntoh mŭr ƀư dŭt âk nău n’hanh nău aơ dôl geh mô knŭng ta Nga, ma hôm ta âk dak ta lam ntŭr neh. Tĭng nău wa, nău dŭt khlay lah âk nuĭh ƀon lan wât an chuh vaccine njrăng, n’gang gay kơl êng săk nơm, ăp nuĭh bên, dăch đêp bah nơm. Ta Nga geh 33,6 rkeh nuĭh lĕ dơi chuh, tâm nĕ 22,6 rkeh nuĭh lĕ dơi chuh nglai tal 2. Nga lah dak an sam ƀŭt dăn an vaccine njrăng n’gang srê Covid-19 bôk năp lam ntŭr neh đah săk kuăl Sputnik V. Tât aƀaơ, dak aơ lĕ geh 4 ntil vaccine njrăng Covid-19.

            Nŭih rblang: Y Sưng Phê Ja