VOV4.M’nông - Tổng thống Palestine Mahmoud Abbas lĕ geh rơh hăn khâl tât Israel n’hanh geh rơh mâp đah Kruanh n’gâng kan Mât njrăng bri dak Israel Benny Gantz. Rơh khâl geh tâm âk rơh mâp dăch aơ đah ăp kruanh bôk năp bah Israel đah Tổng thống Palestine. Yơn lah aơ rơh bôk năp Tổng thống Abbas geh rơh mâp đah du hê kruanh dak Israel ta neh dak Israel kơp bah năm 2010. Ntoh ngơi jêh rơh mâp mpôn êng, du hê kruanh dak Palestine an gĭt, rơh mâp lah rjăp nău khlay bah du trong chính trị na nê̆ gay dơi geh trong mkra đah nău kơl bah lam ntŭr neh. Ăp nău mpeh wăng sa n’hanh kơl nuĭh, duh jêr ta Bờ Tây lĕ dơi tâm nchră. Kruanh N’gâng kan mât njrăng bri dak Israel ton ntrôl ăp ding ndâk njêng nău nsing nơm, kơt n’hao tâm rgop rnă njrăng.

Nuĭh rblang: Y Sưng Phê Ja