VOV4.M’nông: Lơ 30/6, Tổng thống Putin hŏ tâm nchră sŏng đah ƀon lan Nga. Aơ lah rơh tal 18 Tổng thống Putin tâm nchră gay rklaih ăp nau kan ma ƀon lan ŭch. Tâm nau tâm nchră, Tổng thống Putin hŏ ơh ăp nau ôp mpeh ăp nau kan tâm nchră tâm dak, dak ba dih, nkô̆ nau mbơh ngăn lah chuh n’gang ndrel nau rdâng srê Covid-19, ăp nau kan văng sa ndal, nau kan n’hao nau geh bah ƀon lan ndrel nau njrăng rdâng ji ngot, ach o, nau kan ngih gŭ, hao prăk khay rlu ranh. Ngoai tâm ăp nau ma ƀon lan ôp ngăn tât nŭih ndơn kan bah Tổng thống. Nau kan aơ, wa Putin lah rjăp, nau ntrŭnh săch rđau kan neh dak Nga lah nŭih ƀon lan ƀư. Mpeh nau nơm, wa Putin lah păng geh nau ƀư ndŏ luh nau đă ăp nŭih ŭch geh săch ƀư Tổng thống. Tât rnôk nê mra dơi lah ntă lah nŭih geh nau dơi./.

Nŭih rblang: H’Thi