VOV4.M'nông:  Tổng thư ký ASEAN Lim Jock Hoi n'hanh Bộ trưởng ngoại giao tâl bar bah Brunei- dak dôl pleh ƀư kruanh ASEAN 2021 nchrăp geh  trong hăn tât Myanmar tâm pơh dja. Hăn khâl gay ntrŭt ntrôl nău nsrôih bah mpôl tâm nău tĭng ƀư trong nchrăp 5 nău tâm ban ŭch hŏ dơi geh ta tâm nchră ASEAN tâm khay 4 mhe aơ. Tĭng ăp tơm nău lư tâm boh dak bah dih, nchrăp ăp kruanh rđău kan ASEAN geh rơh mâp đah kruanh mât bôk tahen ta Myanmar n'hanh "ăp ding geh nău tât êng ƀa ƀă". Aƀaơ, mô hŏ gĭt kloh ăp kruanh ASEAN geh rơh mâp đah nuĭh ntơh măt bah Chính phủ dơn ngoăy Myanmar đŏng lah mô. Bah năp nê geh âk nău klach rvê hăn khâl mbra geh ntruch tay nar tă bah nkô̆ nău nchrăp hăn n'hanh tâm boh dak bah dih. Ngoại trưởng Indonesia Retno Marsudi hŏ kuăl jă Hiệp hội ăp dak Đông Nam Á (ASEAN) nchŏng đă du hê nuĭh hăn kan mha êng mpeh Myanmar. Tâm rnôk nê nkô̆ nău kơl ndơ mô hŏ dơi ntrôl ngăch ơm rnôk du đêt dak mĭn lah ân geh nău ton bah Myanmar mpeh ntrŭt ntrôl tâm nchră lor rnôk ăp nău kan  hăn kơl ndơ dơi tĭng ƀư./.

Nuĭh rblang: Điểu Thân