VOV4.Mnông – Tổng thư ký Liên hợp quốc Antonio Guterres lĕ nkoch klach rvê hô nău Belarus nhŭp kân du hê nuĭh báo dun rlơn ta rơh mpar bah ndeh par Ryanair bah Ireland. Ndeh par aơ lĕ geh Belarus đă njưh ndal rnôk par rlău nkual neh dak aơ đah nkô̆ nău geh nău mbơh klŭp bom ta rơh mpar nar 23/5. Tổng thư ký Liên hợp quốc kuăl jă du rơh uănh nđôi kloh n’hanh đăp mpăn mpeh nu nău aơ, nkre đă ăp ding geh tât kan ndrel đah nău uănh nđôi. Bah năp nĕ, âk dak phương Tây lĕ kuăl jă du rơh uănh nđôi lam ntŭr neh mpeh nu nău. Liên minh châu Âu lĕ đă rlu rmal Belarus dŏng nkual neh n’hanh ăp tach ndeh par châu Âu; nkre kuăl jă ăp ntil ndeh par châu Âu dêr nkual neh Belarus.

Nuĭh rblang: Y Sưng Phê Ja