VOV4.M’nông – Tổng thư ký Liên hợp quốc Antonio Guterres mhe kuăl jă nău ƀư kruanh bah Rmôt 20 jâng wăng sa hun hao n’hanh mhe hao bôk năp (G20) tâm nău ƀư rgâl trôk nar lam ntŭr neh. Nău kuăl jă ndơ̆ jêh rnôk ăp Kruanh n’gâng kan ŭnh nar n’hanh ntŭk ntô gŭ âm G20 rgum rƀŭn pơh bah năp ta Italia ma mô dơi dơi geh tâm ban ŭch ăp nău rƀŏng mpeh trôk nar. Tĭng wwa Antonio Guterres, lam ntŭr neh an ndăn tâm ton na nê̆ bah lĕ rngôch ăp dak G20 đah nău rƀŏng mât duh play neh mô hao rlău 1,5 độ C ta dŭt rach năm aơ. Pơng lah rjăp, mbra mô dơi geh nău rƀŏng lah mô geh nău rđău bah G20. Ăp nuĭh khoa học mbơh, gay dơi geh nău rƀŏng aơ, lam ntŭr neh an koh n’hŭch 45% rnoh ndơ nsuk duh jay bil tâm năm 2030 nkôp đah rnoh năm 2010.

Nŭih rblang: Y Sưng Phê Ja