VOV4.M’nông: Nkah mpeh du nau tâm lơh mô tâm dăch mhe mra geh, Tổng thư ký Liên hợp quốc Antony Guiterres kuăl Trung Quốc ndrel Mỹ sâm ƀư ueh nau tâm boh bah năp nau kan ma bar dak mra ling tât lam ntur neh. Ơh nau ôp bah hãng AP bah năp rơh rƀŭn bah Liên hợp quốc, Tổng thư ký Liên hợp quốc Antony Guiterres mbơh, bar dak văng sa têh ngăn lam ntur neh ân geh tâm mboh ndrel nau kan trôk nar ndrel tâm boh rjăp lơn mpeh nau kan tăch rgâl, n’ăp ma bar ding ê geh rklaih nau tâm rkeh mpeh chính trị ndrel nau dơi kon nŭih, văng sa, rnă njrăng mạng ndrel nau kan Biển Đông. Wa lah rjăp, ân geh ndâk nau tâm boh bah bar dak têh ndrel uănh nê lah nau kan khlay gay ma rklaih nau chuh n’gang, rgâl mhe trôk nar ndrel nau ntul rlong êng./.

Nŭih rblang: H’Thi