VOV4.Mnông- Ntoh ngơi ta năp báo chí, Tổng thư ký Liên hợp quốc Antonio Guterres an gĭt, nău wăng sa ta Afghanistan dôl ntơm mô ueh, ngăn lah nău mô tŏng prăk măt. Nkre lah kuăl đă âk dak ta lam ntur neh pah kan gay ma njrăng n’gâng kan wăng sa dak aơ tŭp rŭch. Tĭng nuĭh dâk bôk năp Liên hợp quốc, n’gâng kan wăng sa Afghanistan dôl tŭp rŭcyh. Ntrong kan ăp ngân hàng hôm nha ntâl mpông n’hanh ăp ntŭk mât săm săk soan lĕ rlu kan ta âk ntŭk. Wa Antonio Guterres đă ăp ntŭk mbơh ăp ntŭk kan lam ntur neh, pă prăk măt gay ma kơl an nuĭh ƀon lan Afghanistan. Lah âk ntŭk mô ngăch kơl an, ăp nar lơ ma geh âk nuĭh ƀon lan Afghanistan nklơi dơm ngih jay, jêng tât mbra geh mpôl rlăng hao âk. Nar 12/10, ăp nuĭh leo kan rmôt 20 n’gâng kan wăng sa hun hao mbra rƀŭn nchră ndal, gay ma tâm nchră mpeh nău ta Afghanistan.

          Nuĭh rblang: Thị Đoắt