VOV4.M'nông: Tổng thống Hàn Quốc Moon Jae-in n'hanh Tổng thư ký Liên Hợp Quốc Antonio Guterres hŏ geh rơh tâm nchră mpeh đăp mpăn ta gôl dak Triều Tiên n'hanh ăp nkô̆ nău dak bah dih mbra dơi ndơ̆ luh tâm rơh hop way ăp năm bah Đại Hội đồng Liên Hợp Quốc dôl ƀư ta Mỹ. Nău mbơh bah nhih pah kan Tổng thống Hàn Quốc an gĭt,  wa Antonio Guterres njrăng đă, lĕ bar mpeh Triều Tiên mbra ntơm nkah ndray 30 năm jêng dak lăp kan nsum bah Liên Hợp Quốc n'hanh mpơl nău mpŏng aơ lah rnôk gay bar ding rgâl uĕh tâm boh. Nkre ton mbra tâm boh lhăt đah chính phủ Hàn Quốc tâm nkô̆ nău dja. Tâm rnôk nê, Tổng thống Mun Chê-In mbơh mpeh trong nchrăp ƀư tâm nchră dak bah dih mpeh nău kan mât đăp mpăn bah Liên Hợp Quốc tâm khay 12 tât./.

Nuĭh rblang: Điểu Thân