VOV4.M'nông: Tổng thư ký Liên hợp quốc Antonio Guterres hŏ nduih lah nău ntŭng nkhĭt hôch Thủ tướng Iraq Mustafa al-Kadhimi n'hanh kuăl đă ăp nuĭh geh tât ân geh nchŭt dôih. Tổng thư ký Liên hợp quốc kuăl jă nuĭh ƀon lan Iraq nkân nkân nkre rlăch dun nău tâm lơh n'hanh ăp mplư rlăm ƀư roh đăp mpăn ta Iraq. Wa Guterres ntrŭt đă ăp nuĭh kan chính trị mât đăp mpăn hiến pháp n'hanh nkra ăp nău tâm rkeh ma trong tâm dâl nkrum lam n'hanh đăp mpăn. Tĭng Tổng thư ký Guterres, Liên hợp quốc mbra grêt dăch đah nuĭh ƀon lan n'hanh chính phủ Iraq tâm nău nsrôih rƀŏng tât du nău rêh uĕh lăng lơn./.

Nuĭh rblang: Điểu Thân