VOV4.M'nông: Tĭng nhih pah kan nkoch trêng nău lư Nga, ta rơh hop báo nsum ta Brussels đah Tổng thống Ba Lan Andrzej Duda, Tổng thư ký NATO Jens Stoltenberg an gĭt, NATO mbra tâm nchră đah Nga mpeh nô nău wăr Ukraine, kơp lĕ ma tâm trôm bôk tâm Nchră Hội đồng Nga-NATO. Tổng thư ký NATO an gĭt, "dŭt yô̆ nđach rnôk Liên bang Nga ntĭl mpông ăp văn phòng NATO ta Moscow n'hanh dŭt bah nău kan bah NATO ta Brussels.”. Tĭng nău păng: “NATO mbra tâm dâl nău, kơp lĕ ma tâm rnôk tâm nchră Hội đồng Nga-NATO, gay tâm nchră mpeh ăp nkô̆ nău duh ndal, lĕ ma nô nău wăr Ukraine". Wa Stoltenberg mĭn lah, aơ lah trong dŭt uĕh gay nkra ăp nkô̆ nău dja. Bah năp nê, Tổng thư ký NATO hŏ âk tơ̆ mbơh an lah mpôl kan tâm rgop dja klach rvê mpeh nău "Nga rdâk njêng suan dăng tahen" ta n'har bri đah Ukraine./.

Nuĭh rblang: Điểu Thân