VOV4.M’nông – Kêng măng n’hanh măng (18/11), Ủy viên Ban Chấp hành Trung ương Đảng, Tổng Thư ký Quốc hội, Chủ nhiệm Văn phòng Quốc hội Bùi Văn Cường ndrel mpôl pah kan lĕ râng Nar rgum Tâm rnglăp lam rnoi mpôl đah kônh wa rnoi Ba Na, ƀon Đăk Wớt Yốp, xă Hơ Moong, nkuăl Sa Thầy n’hanh pah kan đah N’gor ủy Kon Tum. Ntoh ngơi ta nar mâp măt, Tổng thư ký Quốc hội ŭch kônh wa mât uĕh tay nuih n’hâm tâm rnglăp, rƀŏng tĭng ƀư uĕh ăp rơh rgŏ jă n’hanh ntrong leo tâm rlong rŏng dak gay tâm kơl ndrel hun hao wăng sa rgâl uĕh nău rêh.

Tổng thư ký Quốc hội Bùi Văn Cường râng Nar rgum Tâm rnglăp lam rnoi mpôl ta n’gor Kon Tum

Ta nar pah kan đah N’gor ủy Kon Tum, Tổng thư ký Quốc hội Bùi Văn Cường nkoch nău răm rhơn ta năp nău rgâl uĕh đah wăng sa, văn hóa, rêh jêng bah n’gor Kon Tum rnôk dăch aơ. Nău aơ saơ na nê̆ tâm mông nar n’gŭr răm bah Nar rgum tâm rnglăp lam rnoi mpôl dôl dơi ƀư ta ăp thôn, ƀon tâm n’gor. Tổng thư ký Quốc hội Bùi Văn Cường an n’gor Kon Tum 1 rmen prăk ntop kơl ƀon lan mbơh ƀư trong kan njrăng n’gang srê Covid-19 n’hanh an 5 mlâm jay tâm rnglăp đah dĭng lĕ khlay 250 rkeh prăk.

Nŭih blang: Y Sưng Phê Ja