VOV4.Mnông – Tổng thư ký Liên hợp  Quốc Antonyo Guterres mhe lah rnê nău đă rlu pănh dơi geh êp ôi 21/5 đah Israel n’hanh ăp rmôt tahen ta Gaza. Tổng thơ ký Guterres kuăl jă nsum mpôl lam ntŭr ntop kơl nuĭh an nuĭh ƀon lan Gaza n’hanh nkual aơ ndâk njêng tay. Wa kuăl jă Israel n’hanh Palestin ngăch nthoi tay tâm nchră ntơm ƀư đăp mpăn Trung Đông du trong rjăp, mkra ăp nkô̆ nău, tâm rkeh “tu tơm” bah nău tâm lơh. Tĭng Tổng thư ký Liên hợp quốc, Gaza lah du gâl mô dơi mô geh bah ngih dak Paleestine tâm rgŏ năp n’hanh an nlơi ăp nău nsrôih gay nsĭt tay rsaih nkra nău rnoi mpôl ngăn ngên an lôch nău tâm nkhah đah ăp mpeh mpôl Palestine.

Nuĭh rblang: Y Sưng Phê Ja