VOV4.M’nông: Nau kuăl jă nsrŭng nau tâm lơh bar ding bah Triều Tiên lah nau ndăn ngăch yor mô geh nau dơi ân đăp mpăn nau aơ mra tât nau kan Mỹ nsrŭng ăp nau ƀư “tâm rkeh” đah Triều Tiên. Aơ lah nau dun lah bah Kruanh n’gâng kan nchră nau Triều Tiên Ri Thae Song, jêh nau ton lah bah Tổng thống Hàn Quốc Moon Jae-in kuăl jă nau nsrŭng tâm lơh Triều Tiên 1950-1953. Hãng thông tấn Triều Tiên KCNA ndơ̆ mbơh nau đă bah Kruanh n’gâng kan Triều Tiên Ri Thae Song lah kloh, mô geh nau rgâl ƀư lah nau kan chính trị êp Triều Tiên mô geh nau rgâl, nau tâm rkeh bah Mỹ mô geh jut jăng. Bah năp nê, ntoh nau ta rơh rƀŭn nchră gưl prêh Đại hội đồng Liên hợp quốc tal 76 geh ta Mỹ, Tổng thống Moon Jae-in hŏ du tŏ tay đŏng đă Triều Tiên, Mỹ ndrel Trung Quốc ma Hàn Quốc ton lah nsrŭng nau tâm lơh Triều Tiên năm 1950-1953./.

Nŭih rblang: H’Thi