VOV4.M’nông: Kruanh rđău kan Triều Tiên Kim Jong-un n'hanh Kruanh Trung Quốc Tập Cận Bình lah rjăp nău ton, n'hao dăng lơn đŏng tâm boh đah bar dak, tâm nău mbơh gĭt lor tâm ôp nău lư nkhêp nkah ndray 60 năm ký ton tâm boh tâm rnglăp. Tâm nău mbơh gĭt lor nkah ndray 60 năm ký ton "Nkô̆ tâm rnglăp, tâm boh n'hanh tâm kơl Triều Tiên - Trung Quốc", Kruanh rđău kan Triều Tiên Kim Jong-un an gĭt, nău tâm boh nsing nơm n'hanh nău tâm rnglăp tahen Triều Tiên n'hanh Trung Quốc nar lơn ma êt lhăt n'hanh tâm boh tâm rnglăp way ơm ƀon lan bar dak dôl hun hao lam lĕ rngôch hao du kơn têh mhe. Tâm rnôk nê, Kruanh Trung Quốc Tập Cận Bình lah rjăp, nkô̆ tâm ton dơi ký năm 1961 hŏ ndơ̆ luh "jâng nsing chính trị n'hanh nău tâm di khlay an nău rdâk tay nău tâm rnglăp tahen" đah bar dak. Triều Tiên n'hanh Trung Quốc ký ton tâm nar 11/7/1961, tĭng nê bar ding geh nău dơi tâm pă tahen n'hanh tâm kơl nsum. Nău tâm ton dja dơi uănh lah jâng nsing bah nkô̆ tâm boh băl mpôl êt lhăt tâm âk rach năm aơ đah bar dak./.

Nuĭh rblang: Điểu Thân