VOV4.M'nông: Bol mô hŏ năl geh nuĭh ntưp Covid-19, Triều Tiên dôl hôm nsrôih ntrôl dăng ăp trong njrăng n'gang nuh srê đŏng. Ta thủ đô Bình Nhưỡng, âk ntŭk tăch ndơ, siêu thị nar 30/12 hŏ dơi nhih pah kan dak si hăn puh dak si nkhĭt kaman. Njrăng n'gang nuh srê n'hanh mô dơi uănh lhơ dơi uănh lah ngoăy tâm ăp trong nkra gay Triều Tiên wơt du năm Tết mơ đăp mpăn. Bah năp nê, bôk khay dja, Triều Tiên hŏ an nchih yông âk nău njrăng n'gang nuh srê, kuăl jă nuĭh ƀon lan wăn bok put mbung, weh duh săk. Bol ma âk dak âk nuĭh geh ntưp rêng Covid-19, an tât aƀaơ, Triều Tiên mô hŏ năl geh du hê nuĭh ntưp Covid-19. Gay njrăng n'gang nuh srê, dak dja hŏ ntĭl mpông n'har bri đah dak bah dih, mpăng đêt rsong hăn tâm dak tâm ban kơt an ƀư ăp trong njrăng n'gang nuh srê êng ƀa ƀă đŏng./.

Nuĭh rblang: Điểu Thân