VOV4.M’nông – Triều Tiên ôi 6/1 an nău mbơh bôk năp jêh nău pănh grăp phao ŭnh geh 1 nar bah năp nĕ. Tâm du nău mbơh, hãng thống tấn trung ương Triều Tiên (KCNA) nkoch kloh: Triều Tiên lĕ pănh lôch jêh du grăp phao ŭnh nteh têh, knŭng 3 khay jêh rnôk dak aơ rơh bôk năp mbơh trong ndrăk nsiu aơ. Aơ lah nău panh grăp phao ŭnh bôk năp bah Triều Tiên tâm năm 2022. Bôl phong hô nău ƀư bah Triều Tiên yơn ăp dak hôm e ŭch tâm nchră đah dak aơ. N’gâng kan tâm rnglăp nchră nău mbơh mĭn lah, nău pănh lĕ tih âk nghị quyết bah Hội đồng Bảo an Liên hợp quốc, nkre ƀư du đêt nău ntêt nkri đah ăp dak kiău ma bah Triều Tiên n’hanh nsum mpôl lam ntŭr neh. Jêh nău pănh, Tổng thống Hàn Quốc Mun Chê In nkoch nău klach rvê tâm boh 2 dak dơi hao n’hanh kuăl jă Triều Tiên tâm nchră.

Nŭih blang: Y Sưng Phê Ja