VOV4.M’nông – Gay uănh lah ăp nău dơh, jêr jŏt, trong mkra, dŏng nău geh gay mât hun hao đăp mpăn nău kan tui tâm nu nău mhe, ôi 16/7, ta Hà Nội, N’gâng kan tuch tăm mât rong n’hanh hun hao ƀon lan ƀư rƀŭn nchră pơk sŏng dăng mpeh “Trong mkra hun hao nău kan tui năm 2021 n’hanh mbơh nău ntrŭnh bah Thủ tướng Chính phủ mpeh nău uănh an trong kan hun hao tui ka Việt Nam tât năm 2030, uănh tât năm 2045”. Tâm 6 khay bôk năm aơ, rnoh geh tui dak lêng geh 371 rbăn tấn, hao 12% nkôp đah rơh aơ năm 2020. Bah meng ăp săk rnglăy dơi geh, mĭn lah nsum mpeh nău kan tui Việt Nam an saơ, hôm e rdâng đah âk jêr jŏt n’hanh mâp nu nău rnôk hun hao ngăch, nu nău srê Covid-19 jêr jŏt n’hanh tâm rlong tăch rgâl lam ntŭr neh jêr njrăng. Mbơh ƀư trong kan hun hao tui ka Việt Nam tât năm 2030 uănh tât năm 2045 lĕ dơi Thủ tướng Chính phủ uănh an ntĭm tât nău ŭch hao jêng tui ka geh 3% tât 4%/năm; dĭng lĕ geh 9,8 rkeh tấn; khlay prăk tăch n’gluh bah 14 rmen tât 16 rmen đôlar n’hanh pă an nău kan an rlău 3,5 rkeh nuĭh.

Nŭih rblang: Y Sưng Phê Ja