VOV4.M’nông: Tĭng nau tă bah N’gâng kan neh dak Trung Quốc lơ 2/8, ta rơh tâm nchră gưl kan quân đoàn đah Trung Quốc ndrel Ấn Độ tal 12 rơh êp aơ, 2 ding lŏ geh ăp nau dơi tâm ban mpeh nau rklaih ăp nau kan hôm geh e tât nau rhuăt rep taheh. Trong rơh tâm nchră rơh aơ, bar ding lŏ tâm nchră sŏng ngăn mpeh nau rhuăt tahen luh bah trong nkân njrăng ngăn (LAC) tâm nkuăl mpeh ba lơ bah n’har đah Trung Quốc ndrel Ấn Độ. Bar ding kŏ tâm ban nau nsing tâm ăp nau nchrăp dôl ma geh, đăp mpăn nau dơi tâm nchră rnôk aơ ndrel ngăch rklaih ăp nau kan hôm nkol. Kruanh n’gâng kan Trung Quốc lah rjăp, n’gâng kan dak aơ ndrel mpeh Ấn Độ kŏ ntoh ngăn nau ŭch mât ân nau đăp mpăn njok LAC tâm mpeh ba dâng, kŏ kơt lah nau kan đăp mpăn ndrel rnăk njrăng tâm nkuăl njok n’har bah 2 dak./.

Nŭih rblang: H’Thi