VOV4.M’nông: Ơh nau ôp bah phóng viên tâm nar rƀŭn mbơh vay ăp khay, Nŭih ntoh ngơi n’gâng kan nchră nau Trung Quốc Triệu Lập kiên mbơh, nau kan “Hun hao lam ntur neh” ndrel nau ŭch “Du trong hăn” lŏ lah nau geh ŭch ntrŭt dăng nau geh nsum bah kon nŭih. Tĭng nê, nau kan “hun hao lam ntur neh” gay ƀư ntrŭt dăng ngăch nau ƀư Bôk nau kan rƀŭn năm 2030 mpeh ăp nau hun hao nâp nâl bah Liên hợp quốc; rgum ngăn tâm nau hun hao nsum ndrel ăp nau kan ndal ma ăp dak ân geh rdâng tâm rnôk ƀư nau kan ndâk tay jêh rnôk bah srê, nkre ntrŭt dăng nau jut jăng ân ngăch ach o, đăp mpăn ndơ sa, njrăng srê ndrel nau kan vắc xin, tơm prăk, rgâl mhe trôk nar, hun hao ndrih ndrel ăp nau kan êng êng. Hôm nau ŭch “Du trong hăn” rgum ntŭt dăng ăp nau kan tâm boh văng sa lam ntur neh, kơl an nau nthoi ntŭk kan, tăch rgâl, tơm prăk kŏ kơt lah nthoi đah nŭih ndrel nŭih, nkre ƀư ân ueh nau dơi bah ăp nau kan văng sa, ndrih ndrel kỹ thuật mrô./.

Nŭih rblang: H’Thi