VOV4.M’nông – Rnoh nuĭh dơi chuh vaccine Covid-19 ta Trung Quốc dôl hao, bôl tâm ƀah tât nău ŭch 40% rnoh nuĭh dơi chuh ta dŭt khay 6 hôm e dŭt ngai. Ntoh ngơi tâm du rơh rƀŭn mbơh nar 15/3, wwa Lý Bân, Groi Chủ nhiệm Ủy ban dak si n’hanh săk soan ngih dak (NHC) Trung Quốc an gĭt, kơp tât lĕ lơ 14/3, Trung Quốc lĕ chuh vaccine Covid-19 an 64,98 rkeh nuĭh lah ăp rmôt khlay dơi an lor n’hanh geh n’hanh geh nău ntưp âk, tâm rnôk nău chuh lam hvi dôl dơi pơk hvi ta lam dak. Tĭng kruanh aơ, khay tât, Trung Quốc mbra chuh vaccine tâm nuĭh âk năm deh rnôk geh tŏng dĭng đah nău đăp mpăn n’hanh tam bah vaccine tâm ăp rơh rlong bôk năp. Ăp nuĭh kruanh Trung Quốc dôl n’hao nsrôih chuh an 560 rkeh nuĭh, jêng 40% rnoh nuĭh ta dŭt khay 6 n’hanh 330 rkeh nuĭh êng mbra dơi chuh ta dŭt năm aơ, jêng lah 64% dĭng lĕ rnoh nuĭh.

Nuĭh rblang: Y Sưng Phê Ja