VOV4.M’nông: Lơ 5/8, Công ty sinh học Khang Thái Thâm Quyến (Trung Quốc) mbơh, công ty aơ hŏ geh âk nau dơi tâm nau ƀư nau mĭn ndrel hun hao vắc xin gay ma njrăng rdâng đah srê SARS-Cov2, tâm nê geh nau njêng săk Delta. Tâm rnôk nê, wa Doãn Vệ Đông, Kruanh Hội đồng quản trị Tập đoàn dak si Sinovac mbơh, rơh tât ntŭk kan aơ mra leo mbơh tât ntŭk mât nau kan dak si ăp dak mpeh nau tă geh bah nau mĭn nkra njêng ndrel đơn dăn pă săm ƀŭt ân dŏng nkra vắc xin tâm rnôk geh nau tât ndal gay ma njrăng rdâng đah ntil njêng săk Delta ndrel njêng Gamma. Bah năp nê, tĭng ntŭk nkoch mbơh nau Trung Quốc, jêh rnôk ntil kman njêng săk Delta geh mbơh lơ khay 9/2020 ri bar mrôt kan dak si bôk năp bah dak aơ lah Sinopharm ndrel Sinonvac kŏ ntơm tâm boh nau kan gay ma nkra njêng ngăn ntil vắc-xin gay ma njrăng rdâng đah ntil kman mhe njêng săk./.

Nŭih rblang: H’Thi