VOV4.Mnông- Trung Quốc nar 16/9 mbơh, dak aơ lĕ ndơ̆ săm ƀŭt dăn lăp kan ta Hiệp định kan ndrel lĕ rngôch n’hanh ueh mhe Thái Bình Dương hôm ntơ lah CPTPP. Tĭng nău mbơh geh nchih ta trang web tơm bâh n’gâng kan tăch rgâl Trung Quốc, wa Vương Văn Đào, kruanh n’gâng kan tăch rgâl dak aơ lĕ njoăl săm ƀŭt dăn lăp kan ta CPTPP tât ta kruanh n’gâng kan tăch rgâl n’hanh hun hao tăch ndơ an dak bah dih New Zealand Damien O’Connor. Nău mbơh an gĭt, kruanh n’gâng kan 2 dak lĕ geh ƀư du rơh rƀŭn cnhră ma điện thoại gay ma tâm mbơh mpeh ăp nău kan geh tât nău Trung Quốc dăn lăp ta hiệp định aơ. Aơ dôl lah hiệp định tăch rgâl đăp mpăn geh nău mpŏng kan têh ta lam ntur neh n’hanh lĕ geh 11 ngih dak tâm ton ta năm 2018. Dŭt năm e, kruanh Trung Quốc Tập Cận Bình lĕ mbơh ta rơh rƀŭn nchră gâl têh tâm kơl wăng sa Châu Á-Thái Bình Dương (APEC) mpeh nău Trung Quốc mbra nsrôih uănh n’hêl nău lăp kan ta CPTPP.

Nuĭh rblang: Thị Đoắt