VOV4.Mnông-Kanŭng tâm 1 pơh ba năp, rơh nuh srê Covid-19 mhe ta Trung Quốc lĕ ntưp ngăch ta 4 ngih nti tiểu học ta 2 ntŭk, ƀư an ăp nuĭh way kan dak aơ kuăl đă ngăch chuh vac xin an oh kon se bâh 3-11 năm deh. Bar ntŭk geh ntưp srê âk tâm ngih nti lah n’gor Hà Nam ta miền Trung n’hanh Hà Bắc ta mpeh Bắc Trung Quốc. Rơh srê mhe ntoh ta nar 17/10 aơ tât aƀaơ lĕ ntưp rêng tât 20 n’gor, nkuăl ƀon têh ta Trung Quốc, ƀư an rlău 1200 nuĭh ntưp đah srê SARS Cov2. Ăp nuĭh kan têh n’hanh nuĭh way kan dak aơ du tơ̆ tay lah na nê̆ nău ngăch ndal bâh nău chuh vacxin an oh kon se bâh 3-11 năm deh. Khăn păng geh kuăl đă ngăch chuh nkah tay gay ma ơm dơi geh njrăng ntưp rêng tâm ntŭk rêh jêng rnôk tâm rdâng đah nău tât trôk nđik nkre ma rgâl săk delta bâh kaman srê. Mô an ntưp tâm oh kon se lah du nkô̆ tâm nău kan bâh Trung Quốc gay ma dơi geh mô ntưp rêng tâm ntŭk rêh jêng bâh nău kan chuh vacxin.

Nuĭh rblang: Thị Đoắt