VOV4.M’nông: Trung Quốc mhe kuăl jă lam ntur neh nkân rjăp nau ƀư mpet ân Afghanistan tâm nau jao nau kan dôl geh ƀư tâm neh dak Nam Á aơ. Tâm rnôk kuăl điện thoại tâm nchră đah Kruanh n’gâng kan Anh Đominic Raab, Kruanh n’gâng kan Trung Quốc Vương Nghị lah rjăp, rgâl ma nau bư mpet, nsum mpôl lam ntur neh ân geh bonh đă, ntĭm trong ân Afghanistan tĭng trong ueh. Nau aơ geh nau dơi tâm rnôk jao chính trị, ơm đăp mpăn tâm dak kŏ kơt lah n’huch nau khuch tă bah nŭih lăp gŭ nde. Tĭng wa Vương Nghị, đah nau dôl geh rnôk aơ, nau leo lăp tahen mô di lah nau ueh ngăn gay ma rklaih ăp nau kan geh tât nau duh jêr tâm nkuăl aơ. Nŭih nchră nau Trung Quốc du tŏ tay đŏng lah rjăp, nsum mpôl lam ntur neh ân geh bư jêh nau ryơk nau đăp mpăn ndrel nau ƀư tơm bah Afghanistan kŏ kơt lah nau mĭn, nau ŭch bah ƀon lan dak aơ./.

Nŭih rblang: H’Thi