VOV4.M’nông – Rƀŭn nchră N’gâng kan Chính trị Đảng Cộng sản Trung Quốc rmôt rƀŭn nar 31/8 đah nău ƀư tơm bah Tổng Bí thư Tập Cận Bình lĕ mbơh an nău ntrŭnh ntơm ƀư Rƀŭn nchră Trung ương 6 bah dak aơ tâm khay 11 tât. Chính phủ rƀŭn geh: N’gâng kan Chính trị Đảng Cộng sản Trung Quốc mbơh jêh trong kan bah năp ƀư rƀŭn nchră, rgum mĭn njêng du trong khlay, lĕ rngôch nău blaư ơm têh n’hanh ăp nău geh khlay bah Đảng tâm rơh dun n’gang hang rhiăng năm bah năp. Rƀŭn nchră Bộ chính trị Đảng Cộng sản Trung Quốc nar 31/8 lĕ ntơm ƀư uănh mĭn tay Nău mbơh lĕ rngôch mpeh nu nău groi nđôi rơh tal 7 bah Ban chấp hành Trung ương khóa 19, lah rjăp nău khlay bah nău kơl hun hao ntĭm nti, nkre đă an uănh rjăp tay, nti n’hanh ƀư tĭng nău mĭn bah Tập Cận Bình mpeh chủ nghĩa xã hội Trung Quốc tâm rơh mhe, ƀư tĭng tŏng ăp rhăt jăp trong hăn ntĭm nti bah Đảng.

Nŭih rblang: Y Sưng Phê Ja