VOV4.M’nông - “Mĭn ƀư mhe hun hao lam ntŭr neh” dơi Kruanh Trung Quốc Tập Cận Bình dăn đă ta Rƀŭn nchră bah Đại hội đồng Liên hợp quốc rơh tal 76, kruanh dak lam ntŭr neh ntrôl ngăch nău ƀư tĭng Bôk nău kan khlay năm 2030 mpeh hun hao wăng sa nâp nâl n’hanh ntrôl hun hao lam ntŭr neh uĕh kloh lơn, têh dăng lơn. Ta rơh rƀŭn mbơh ăp rơh, Nuĭh ntoh ngơi N’gâng kan tâm rnglăp nchră nău dak Trung Quốc wa Uông Văn Bân an gĭt “Mĭn ƀư mhe hun hao lam ntŭr neh” bah Trung Quốc dơi nsum mpôl lam ntŭr neh rƀŏng tĭng têh dăng. Tĭng wa Uông Văn Bân, hun hao lah mpông pơk gay mkra ăp nău. “Mĭn ƀư mhe hun hao lam ntŭr neh” kơl lor hun hao n’hanh sŏk kon nuĭh ƀư ta nklang, dăn đă ăp nău kan ndrel gay ntrôl ngăch nău ƀư tĭng bôk nău kan năm 2030 n’hanh ntrôl ndâk njêng nsum mpôl tâm rgŏ năp yor nău hun hao nsum bah kon nuĭh.

          Nuĭh rblang: Y Sưng Phê Ja