VOV4.M’nông – Trong mŭr sial dŭt ngăch mhe ngăn bah Trung Quốc nchrăp mbra jêh tâm năm tât n’hanh mbra rgop tâm ăp bôk nău kan hun hao ndeh păr mô nteh n’hanh hàng không vũ trụ bah dak aơ. Nău mbơh dơi pơk tâm Radio ntuh rup Trung ương Trung Quốc (CCTV) mhe aơ. Tĭng nĕ, trong mŭr sial JF-22 dơi uănh saơ ăp rơh mpăr đah dŭt ngăch Mach 20 (rlău 36.000km/mông), jêng ngăch rlău 30 tơ̆ ngăch mô nteh, aƀaơ dôl dơi ndâk ƀư ta quận Hoài Nhu, Bắc Kinh nchrăp mbra jêh tâm năm 2022. Aơ lah trong mŭr sial dŭt ngăch mhe ngăn bah Trung Quốc, nchrăp mbra kơl dak aơ hun hao ăp bôk nău kan ndeh păr mô nteh n’hanh hàng không vũ trụ. Geh nău năl lah, công nghệ mô nteh mbra mô knŭng lah ndơ tâm nău kan mât njrăng bri dak, ma hôm dơi kâp mbra rgâl ntung trong nchuăn rdêng nuĭh n’hanh gĭt tât vũ trụ tâm rgŏ năp.

Nuĭh rblang: Y Sưng Phê Ja