VOV4.M'nông: Chính phủ Trung Quốc n'hanh Nga hŏ tâm ban ŭch n'hao dăng lơn đŏng nău nsing nơm n'hanh tâm boh nsum tâm rơh hop way ăp khay ăp năm tâl 26 đah Thủ tướng bar dak. Rơh mâp dơi ƀư pơk sŏng dăng đah Thủ tướng Trung Quốc Lý Khắc Cường n'hanh Thủ tướng Nga Mikhail Mishustin. Lah ta rơh mâp, wa Lý Khắc Cường njrăng đă Trung Quốc n'hanh Nga, lah bar jâng wăng sa têh lam ntŭr neh n'hanh ntŭk tăch rgâl mhe ntoh, tâm pă nău tâm ban ŭch trong kan têh jong tâm nău mât trong kan âk ding n'hanh mât njrăng lam rêng kan dak bah dih đah găr ntil lah Liên Hợp Quốc n'hanh dăp rgum rĭng grep lam ntŭr neh nsing tâm luật pháp dak bah dih. Bar dak ân ndrel rdâng lơh đah nău mpet n'hanh ăp nău ntul rlong bah dih nsing kalơ tâm uănh khlay nsum n'hanh tâm ban ndrel nsĭt nău geh. Ta rơh mâp, bar dak hŏ uănh an nău mbơh nsum n'hanh ăp si ƀŭt tâm boh tâm ăp trong kan tâm boh wăng sa nkual, wăng sa mbrô n'hanh mpông n'har./.

Nuĭh rblang: Điểu Thân