VOV4.M’nông – Mhe aơ, Ủy ban uănh nđôi kỷ luật n’gor Vân Nam, Trung Quốc lĕ ƀư kỷ luật đah wa Cung Vân Tôn, Bí thư thanh ủy nkual ƀon têh Thụy Lệ yor mô lĕ đah nău kan ƀư khuch hô. Tĭng nău mbơh, tâm n’gul năm bah năp, nkual ƀon têh Thụy Lệ lĕ geh 3 tơ̆ ntoh srê Covid-19 tâm ntŭk gŭ rêh,  lơn lah rơh ntoh bah nar 29/3 tât aƀaơ lĕ ƀư khuch hô, khuch tât trong kan njrăng n’gang srê bah lam n’gor Vân Nam kơt lam dak Trung Quốc. Jêh rnôk N’gor ủy mĭn njêng n’hanh mbơh an, wa Cung Vân Tôn lĕ geh kơt dŏng ăp trong rmal kỷ luật mpeh Đảng n’hanh n’gâng kan ƀon lan. Ủy ban Uănh nđôi Kỷ luật n’gor Vân Nam đă rmôt cán bộ kruanh n’hanh đảng viên an n’hao nuih n’hâm njrăng n’gang, rhoăt nău ơm têh jru, nsrôih mkra nău thơ tha tâm trong kan njrăng n’gang srê.

Nŭih rblang: Y Sưng Phê Ja