VOV4.M’nông - Kruanh n’gâng kan Mât njrăng bri dak Trung Quốc n’hanh nuĭh tâm ban gưl kan Malaysia mhe geh rơh điện tâm nchră trực tuyến. Ta rơh tâm nchră, Ủy viên Quốc vụ nkre ƀư Kruanh n’gâng kan mât njrăng bri dak Trung Quốc wa Ngụy Phượng Hòa an gĭt, Trung Quốc nchrăp nsrôih đah Malaysia n’hao tâm rgâl n’hanh mkra đăp mpăn ăp nău tâm rkeh ta nău Biển Đông, ndrel mât đăp mpăn ta châu Á-Thái Bình Dương n’hanh ntop kơl an nsrôih tay an lam ntŭr neh âk nău rgâl. Wa Ngụy Phượng Hòa kuăl jă tahen 2 dak mât tâm ôp tâm nchră gưl prêh, ntrôl nău nta an ăp trong kan ndrel, n’hao tâm rgop ăp ding n’hanh mô rlu n’hao kan ndrel ngăn ngên đah 2 ding. Hôm Kruanh N’gâng kan Malaysia Hishammuddin Hussein an gĭt, Malaysia lah uĕh ngăn nău kơl bah Trung Quốc ta rơh nchăng n’gang srê Covid-19 n’hanh nchrăp ƀư jru lơn tay tâm rgâl n’hanh kan ndrel đah Trung Quốc tâm ăp nău kan njrăng n’gang srê n’hanh tahen.

Nuĭh rblang: Y Sưng Phê Ja