VOV4.M'nông:  Bol ma duh jêr tâm boh đah bar dak tâm ăp nar rlău aơ, nuĭh mât bôk kan Bộ Thương mại Trung Quốc n'hanh Mỹ hôm kuăl điện gay tâm nchră mpeh tâm boh tăch rgâl, ntuh kơl đah bar ding đŏng. Rơh kuăl điện ƀư nar ntri (10/6) đah Bộ trưởng Thương mại Trung Quốc Vương Văn Đào n'hanh Bộ trưởng Thương mại Mỹ Gina Raimondo. Tĭng nău lư bah mpeh Trung Quốc, bar ding hŏ tâm ôp sŏng dăng n'hanh ngăn ngăn mpeh ăp nkô̆ nău geh tât n'hanh nău tâm uănh khlay nsum tâm trong kan tăch rgâl ntuh kơl. Bar ding mĭn lah, tâm ôp dâl nău tâm trong kan dja đah bar dak lah "dŭt khlay", nkre tâm ban ŭch ntrŭt ntrôl tâm boh ngăn ngăn tâm trong tăch rgâl n'hanh ntuh kơl đah bar ding hun hao kloh rvah n'hanh nkra tâm di ăp nău tâm rkeh đah bar dak. Aơ lah rơh kuăl điện tâm nchră tâl pe đah kruanh gưl têh Trung Quốc n'hanh Mỹ mpeh nkô̆ nău wăng sa tăch rgâl tâm ăp pơh dăch aơ./.

Nuĭh rblang: Điểu Thân