VOV4.M’nông – Kơp bah rnôk djôt bôk, Rmôt Taliban ƀư nău mĭn êng nơm tâm rnglăp lơn đah nău mbơh ŭch đăp mpăn, mô tâm plơng mô tâm rkeh nău ơm n’hanh tâm ryơk nău dơi êng bah bu ur tâm rnôk luật Islam. Mỹ n’hanh Trung Quốc nar nđaơ (19/8) ndơ̆ ăp nău mĭn êng nơm mpeh nău rgâl bah Taliban. Trung Quốc nkoch nău nsing nơm đah Taliban lĕ rgâl n’hanh nău têh khlay mbra mô plơ̆ tay. Yơn lah tâm rơh ơh nău ôp ta kênh tivi ABC News, Tổng thống Mỹ Joe Biden lah rjăp Taliban mbra jêr rgâl ăp nău nsing nơm bah nơm. Wa Biden an lah, Taliban an ntrŭnh ŭch đŏng dơi nsum mpôl lam ntŭr neh kơp dơn đŏng lah mô, nkre lah rjăp an geh nău mpet tât wăng sa n’hanh tâm rnglăp nchră nău, mô di lah tâm lơh tahen, gay đăp mpăn nău dơi an bu ur ta Afghanistan.

Nŭih rblang: Y Sưng Phê Ja