VOV4.Mnông-Ủy viên n’gâng kan chính trị nkre kan ntŭk kan văn phòng ủy ban nchră nău đah dak bah dih Trung ương Trung Quốc Dương Khiết Trì geh rơh tâm mâp măt đah Đại sứ Triều Tiên Ri Ryong-nam ta Bắc Kinh-Trung Quốc ta nar 28/10. Bar ding tâm nchră mpeh ăp nău n’hao tâm kơl kan ndrel ntop ntrôl mât đăp mpăn n’hanh ueh lăng ta nkual. Tĭng nău mbơh bâh Ủy viên n’gâng kan chính trị nkre kan kruanh ntŭk kan Ủy ban nchră nău đah dak bah dih trung ướng Trung Quốc Dương Khiết Trì, Trung Quốc mbra ndrel đah dak Cộng hòa nhân dân Triều Tiên mât tay ueh nău kan gâl têh, n’hao nău tâm rgop ntrong kan, ntrôl tâm kơl na nê̆, ntrôl nău tâm boh kan bar ding mô rlu dơi ăp nău geh mhe n’hanh ntop nău đăp mpăn, ueh lăng ta nkual. Bar ding hôm nha tâm mbơh ăp nău ma bar ding ndrel mât uănh kơt nău ta gôl dak Triều Tiên, nkre tâm ban ŭch n’hao nău tâm ôp ngơi n’hanh tâm rgop kan.

Nuĭh rblang: Thị Đoắt