VOV4.Mnông- Ta rơh tâm mâp trực tuyến đah kruanh ngân hàng thế giới (WB) David Malpass, Thủ tướng Trung Quốc Lý Khắc Cường an alh, Trung Quốc mbra joi ăp ntrong kan ntrôl n’hao nău wăng sa đăp mpăn. Thủ tướng Trung Quốc Lý Khắc Cường an gĭt, Trung Quốc lah ngih dak dôl hun hao dŭt têh ta lam ntur neh, Trung Quốc dôl nsrôih hun hao wăng sa tâm năm tât tay n’hanh joi nău hun hao đăp mpăn. Tĭng nĕ, Trung Quốc mbra geh nkô̆ ŭch hun hao đăp mpăn bôk năp, rgâl nău kan wăng sa n’hanh ntrôl dăng rgâl mhe nău kan. Wa Lý Khắc Cường lah na nê̆ nău tâm boh tâm kơl kan đah Trung Quốc n’hanh Ngân hàng thế giới way geh hun hao ueh. Trung Quốc mbra hăn ndrel đah ngân hàng thế giới kơl an ăp ngih dak dôl hun hao, ntrôl chủ nghĩa âk ding, geh nău kan nsrôih âk, kơl an rơh tâm nchră hao tal 20 bâh Hiệp hội hun hao lam ntur neh.

Nuĭh rblang: Thị Đoắt