VOV4.M’nông - Nar 26/10, n’gor Chiết Giang n’hanh âk ntŭk êng ta Trung Quốc ntơm chuh vaccine Covid-19 an kon se bah 3 năm lêt lơ. Tĭng Ủy ban Y tế n’gor Chiết Giang, n’gor lĕ pơk hvi bôk nău kan chuh vaccine njrăng n’gang Covid-19 an kon se bah 3 năm, rgâl yor n’hŭch chuh an kon se bah 12 năm let lơ kơt bah năp đaơ. Tĭng Ủy ban aơ, ăp nău rgâl mpeh rnoh năm deh chuh vaccine njrăng n’gang Covid-19 tâm di đah nău ƀư tâm ban ŭch tâm rgop njrăng n’gang n’hanh uănh nđôi srê Covid-19 bah Chính phủ Trung Quốc. Tĭng trong nchrăp, ăp ntŭk ta Trung Quốc an jêh nglay chuh vaccine njrăng n’gang Covid-19 bôk năp an kon se bah 3 năm let lơ bah năp nar 20/11 n’hanh nglay tal 2 bah năp nar 20/12.

Nuĭh rblang: Y Sưng Phê Ja