VOV4.Mnông- Rơh rƀŭn nchră trực tuyến nuĭh way kan rơh tâm mâp Hương Sơn năm 2021 geh ƀư ta Bắc Kinh, Trung Quốc đah nău ŭch joi ăp ntrong kan ntrôl dăng tâm kơl ndrel geh ueh n’hanh mât ueh nău đăp mpăn rnă njrăng lam ntur neh. Tât râng rơh tâm mâp geh rlău 50 nuĭh way kan n’hanh học giả ntoh lw tât bâh 20 ngih dak n’hanh ntŭk leo kan lam ntur neh ndrel tâm nchră, mbơh rblang ntrong kan hun hao bâh nău ta lam ntur neh, joi ăp nău ntul rlong tâm ban kơt nău tâm rdâng. Ntoh ngơi ta rơh tâm mâp, Giám đốc Học viện Khoa học Quân sự Trung Quốc Dương Học Quân an gĭt, nău ta lam ntur neh dôl geh dâk ta năp nău rgâl mhe dŭt hô n’hanh jêr njrăng tâm âk rach năm dăch aơ. Rơh rƀŭn nchră aơ rgum ta 6 bôk nău tơm khlăy, ăp nuĭh way kan mbơh tơih ăp nău gĭt vât, rdâk njêng nău tâm ban ta nău tâm kơl n’hanh geh joi gĭt ăp nău kan mhe, tâm rgop nău mĭn kan gay ma ndrel doh rklaih ăp nău ntul rlong rnă njrăng lam ntur neh n’hanh ndrel geh mât nău đăp mpăn lam ntur neh.

Nuĭh rblang: Thị Đoắt